新加坡官府投資旗艦淡馬錫早排掟成188億銀買起又一城，照理應該係搞場高手，於是華華出差去星洲淡馬錫嘅原產地，特登去直擊佢哋搞場有幾把炮！
淡馬錫喺星洲有3個商場，華華揀咗最大嗰個VivoCity（中文名怡豐城）睇。VivoCity喺當地出晒名，蛋形嘅外觀型爆，由於呢度有好似遊樂場嘅單軌火車，通往對岸風靡全球嘅聖淘沙同埋環球片場嘅大型度假村，人流勁過又一城多多聲；而最正係呢個場戶外休憩地方勁多，連人造沙灘都有！外觀同個景，一流！
個場內櫳呢，話就話有成100萬呎、大過又一城成倍、仲有成300間shop，不過就冇厘特別囉，個地板仲非常之「娘」……一句講晒，外面誇喇喇，入面吹喇叭囉！