當年今日
關於我們

隔牆有耳:陳太重返政府 - 李八方

蘋果日報 2007/12/05 00:00


按規定,陳太當選為議員,立法會秘書處會分配個辦公室畀佢,𠵱家立法會議員辦公室分別設於花園道花旗銀行大廈同政府總部西座,據講前者已無吉房,故陳太好大機會重回政府總部辦公,同一眾司局長做鄰居。
民建聯議員辦公室設於政府總部西座五樓,馬力逝世後,理論上應騰空辦公室畀陳太,咁安排陳太就會喺一眾民建聯議員旁辦公。另一安排係辦公室喺四樓嘅蔡菜子搬上五樓,同黨友會合,陳太就用四樓蔡菜子間房,做民主黨、幾名泛民議員鄰居。據了解有關方面未正式提出任何調動辦公室建議,相信會同陳太、民建聯等商量,大家有默契先決定如何安排。