本報接獲讀者投訴，在藍田一超級市場所購一隻冰鮮雞，翼底下並無紅色蓋印，恐所購非屬內地進口冰鮮雞。「我嗰日準備煲湯前先發現隻冰鮮雞雞翼底冇紅色蓋印，搞到我都唔敢用隻雞嚟煲湯。我向超級市場投訴過，但佢哋話只係甩色喎。如果係甩色都應該留低少少印，但都冇。而且印喺雞翼底下，我哋要拆開個包裝袋先見到，有事時就口同鼻拗，對我哋消費者冇乜保障。」劉太念及此事仍忿忿不平。
可能魚目混珠
平日喜愛烹調的劉太擔心所購冰鮮雞非屬進口冰鮮雞。其丈夫劉先生稱：「個紅印咁樣『甩咗』，製作程序咁唔嚴謹，已經可以引申到其他問題，可能隻雞係雪藏，亦有可能有人魚目混珠，將隻冰鮮雞當新鮮雞賣。」
沒有脫色迹象
記者事後前往同一超級市場購買一隻冰鮮雞，購買前曾多次嘗試隔住膠袋察看雞翼底是否蓋有紅印，但因用膠袋包封，無法看到。記者拆封後見雞隻滲出不少血水，包裝膠袋上雖有雷射標記，但翻開兩隻雞翼細看，卻未見雞翼底有任何紅印，或有紅印脫落的迹象，與讀者所購無異。
首次接獲投訴
超級市場的公關經理解釋，港府與內地供應商達成共識，規定輸港冰鮮雞包裝袋上須附有雷射標記，雞翼底蓋上紅印作記號。冰鮮雞推出市場以來，首次收到此類投訴。有關紅印屬硃砂物枓，推斷可能因為運送途中的溫差引致紅印脫色。至於有市民反映紅印標記不夠清楚，會向食環署轉達有關意見，零售商只能按政府指示辦事。