當年今日
關於我們

扮大牌遲到Fans尖叫
傅穎搶風頭激走Stephy

蘋果日報 2009/12/22 00:00


鄧麗欣和傅穎一向有心病,昨日兩人同場,扮大牌遲到的傅穎一出即搶風頭,惹來Stephy不滿黑面,被邀合照時,Stephy更憤而離場。傅穎就一於懶理,表示「睇唔到」,更說不介意合照。
鐘錶美女胡敏珊自家品牌Chouette昨日在中環開設首間旗艦店,男友龐維仁撐場,AmandaStrang親手做了120個法式杏仁餅macaroon,好友陳嘉容、劉心悠等撐場,令胡敏珊感動得眼濕濕。
Stephy火速離場
鄧麗欣和傅穎一對宿敵都有到賀,Stephy和小肥先到場,兩人和大部份嘉賓影大合照時,傅穎和劉心悠才姍姍來遲,傅穎fans大聲尖叫,正在拍照的Stephy立時面黑,拍完大合照後,兩人一個左一個右,涇渭分明各自影單人照,有人提出兩人合照,Stephy即時「吓」了一聲,二話不說即連訪問也不做,離場走人。
問傅穎Stephy避開她,她說:「唔覺喎,睇唔到,我專心影相,因為我係最遲嚟,係工作人員叫我遲啲先落車,我唔介意影合照o架。」她謂工作碰頭,不會覺得尷尬,問可是遲到風頭太搶,招致Stephy不滿?她說:「假設性嘅問題,唔答。」Stephy不夠大方?傅穎即硬生生轉話題:「今日啲錶嘅設計好大方,我好鍾意呢個品牌。」
empty
AmandaStrang花了5日時間,炮製120個法式蛋白杏仁餅。
傅穎願主動合照
傅穎隨即又被問到會否主動與Stephy合照?她暗示只會順應要求,她說:「如果大家要求,我會主動。」兩人還有否聯絡?她又急轉話題:「少囉,其實我都想設計情侶錶。」
此外,劉心悠透露活動前在salon見過Stephy和傅穎,但不知雙方發生甚麼事,但樂做和事佬說:「我見唔到,唔知點處理,我下次企喺中間,拉攏佢哋合照囉!」
採訪、攝影:LawWaiMan
empty
胡敏珊男友龐維仁也有到賀。