荃灣美食撈麵｜荃豐中心26年撈麵店 師奶由賣雪糕做到賣印尼撈麵 學生畢咗業都嚟買
蘋果日報 2020/12/29 06:00
荃灣荃豐中心撈麵車仔麵地區小店
荃灣荃豐中心以往是賣遊戲碟的重地，一直是區內中小學生的聚腳熱點，在地下角落就有間荃豐撈麵，專賣營多印尼撈麵，當年首創車仔麵做法，學生可選不同配菜，價錢又便宜，$10已吃到一餐，深受區內學生歡迎，老闆娘可算看着區內學生成長。
本來賣雪糕 撈麵易做就轉賣
1995年4月於荃豐中心開店的荃豐撈麵，由Rosalyn經營：「以往我是文員，結婚留在家中，有小朋友後，覺得好悶，就想搞些小生意，當時很流行Dreyers香芋雪糕，就想到賣雪糕，命名為雪糕屋。」Rosalyn透露，剛開店時只有100多呎，像士多一樣賣薯片、糖果、汽水等，「一到中午或者放學時間，整間舖是迫到爆，滿是書包及小朋友，他們那種笑聲，真是令我都好開心！」
後來聽街坊建議，開始賣飽肚的小食及炒麵，生意更好，「一日炒幾十斤麵，炒完好快又賣光，那時還特地買了個600多元的水晶鑊，說傳熱均勻，炒麵好快就熟，但是炒都要一個過程。」由於一人經營，確實難以應付，惟有變陣，「我覺得撈麵簡單，浸兩下，撈一下就可以，就轉賣這款。」
當時印尼撈麵遠不如現在流行，Rosalyn要走到街市印尼舖入貨，由於客人全是學生，所以價錢非常便宜：「當時每份麵只賣5元，小朋友加5元還有3條腸仔，10元就可以好飽。」
高峰日賣600份 黑腸最受學生歡迎
價錢平民，撈麵又惹味香口，正合小朋友胃口，當年一到放學，小朋友排長龍排到出門口。生意好，加上商場有吉舖，荃豐撈麵於2008年搬至現址，Rosalyn更直接聯絡廠商入貨，對方幫她在碟上印上Indomie及店名，「批發商跟我說，現在店舖更大，一定要增加生意額，所以就想到加些餸下去，除了有豬扒、牛扒、雞扒，亦會炒些菜，加點蘿蔔、豬皮、薯餅那些。」
從此，荃豐撈麵就變身成印尼撈麵的車仔麵版。皇牌熱賣是荃豐三寶麵（$40），有腸仔、雞翼及牛丸。撈麵以外，其實還有傳統的車仔麵，配菜接近40款，有5款麵底可以選擇，湯底由雞骨及豬骨煮成，同樣有不少捧場客。
成名後，區內其實一直出現不少競爭對手，但人氣始終不及荃豐撈麵，皆因雖是街邊小食，但Rosalyn製作頗為用心，如雞翼用甜醬油及蒜頭浸一晚，特別入味；腸仔則用滷水料滷過，吃起來鹹香帶甜，Rosalyn笑言﹕「有時浸得耐，腸仔變得好深色，但是小朋友就是喜歡這味，他們來到還說要黑腸，因為它的味道好甘香。」
每碗有兩個撈麵，確保客人食得飽。Rosalyn又細心發現，男女偏好的撈麵質感都不同，所以男仔食就煮得快點，麵要爽一點，女仔食就稔身點。味道、份量甚至麵質感都細心研究，難怪不少客人都食過翻尋味。由小學開始幫襯的熟客翁生就表示，「這裏有一種感覺，你食完會好想再食，味道又剛剛好，不知道為甚麼這裏的撈麵會特別好食，自己在家做就做不到。」
曾想退休 不捨熟客
在商場走過26年，荃豐撈麵一直與時並進，兩三年前更在店舖旁放最受年輕人歡迎的夾公仔機。不過年屆六旬的Rosalyn坦言想過退休，「但客人跟我講，你千萬不要退休，他們說你退休，我們來到這裏，就沒地方可以聚腳。」她亦不捨得熟客，「有些客人好久沒見，當我一想起他，好自然他就會出現，可能他又想念我，我又想念他。見到熟客長大了，回來打聲招呼，給我一個笑臉，已經好開心了！」她聲言只要身體能支撐，就會繼續經營。
採訪、攝影：《飲食男女》
地址：荃灣青山道144-172號荃豐中心地下GA28-34號舖
電話：2405 6275
營業時間：星期一至日7am-12mn
老闆娘Rosalyn在荃豐中心開業26年，1995年開士多——雪糕屋，後於2008年搬到地下大舖，名為荃豐撈麵。
小店主打印尼撈麵，其中最多人食的是荃豐三寶麵（$40），有雞翼、腸仔及牛丸各兩件，簡單好味。
雞扒撈麵（$48）同樣是受歡迎之選，大大塊雞扒煎得剛好，外脆內軟。
舖頭亦有車仔麵，40款配料隨意配搭。
自製餃子有煎有炸，餡料是韭菜豬肉餡，外皮皺摺平均，飽滿足料。
小店環境樸素，乾淨整齊。
-----------------------------
免費推廣小店，《蘋果》18區分區小廣告，立即按此登記！
-----------------------------
工作辛勞想食餐好？《飲食男女》每日為大家示範三餸一湯！
-----------------------------
《飲食男女》全新酒鬼專用Facebook Group「酒鬼男女」，立即加入！
-----------------------------
《蘋果》英文版免費試睇：了解更多