日本人氣女團乃木坂46成員秋元真夏、齋藤飛鳥、松村沙友理噚日低調抵台拍攝廣告，並接受台灣傳媒訪問。

齋藤飛鳥喺日版《那些年，我們一起追的女孩》，扮演日版沈佳宜，佢去年10月曾到台灣取景重現戲中經典場面，談到對台灣印象，齋藤飛鳥話：「聽說放天燈可以帶來好運，我拍戲放了好幾次，好運應該多了好幾倍。」佢亦表示台灣人親切友善，而此行喺酒店食過台灣傳統麻糬後就立即愛上，馬上成為佢現時最愛嘅台灣美食。

松村沙友理就指已曾經訪台灣約5、6次，每次大嘆唔少美味料理，又大讚台灣黑糖珍奶好飲，由於松村沙友理暱稱係蘋果，佢喺拍廣告時就學咗普通話「請叫我蘋果。」至於秋元真夏亦曾私下到台灣旅行，最愛就係小籠包。

而西野七瀨、堀未央奈、大園桃子、櫻井玲香亦於噚日稍後時間訪台會合隊友一齊廣告，一行人預定結束廣告拍攝後，今日會離開台灣。

精選娛聞，喺晒《娛果》
http://fb.com/appledailyent