歐聯決賽將於香港時間周日凌晨在西班牙馬德里上演，由熱刺和利物浦兩支英格蘭球隊角逐，前者爭取成為首支在歐聯封王的北倫敦球隊，而利物浦則力爭第五度奪冠。

雖然是在地球另一邊的賽事，但香港仍有不少球迷相當關注，兩隊在港的球迷會均有睇波團，其中熱刺球迷會會在銅鑼灣開平道一酒吧觀戰，而利物浦兩間官方球迷會則會在灣仔、觀塘等多個不同地方都有睇波團。

愛隊連續兩屆晉身決賽，香港利物浦官方球迷會幹事Nic表示，紅軍有力封王，但一場過的決賽變化很大：「算有信心，球隊能力上應可贏熱刺，但臨場發揮難以預計。期望利物浦可以做好防守，小勝奪冠就滿足，希望不會像2005年般。不過，利物浦好像每次奪冠都是驚濤駭浪的。」

紅軍似乎被看高一線，身兼評述員的和富大埔中場梁冠聰預計，紅軍可以2:1小勝奪冠；本身是紅軍死忠的香港U23代表安永佳就力撐愛隊以3:1擊敗熱刺封王。東方龍獅中場林嘉緯亦估計利物浦以2:1勝出，但他表示：「其實我捧熱刺，所以想燈利物浦，哈哈。」傑志名宿金東進就撐南韓同鄉，認為熱刺以2:1勝出，南韓國腳孫興民會入波。

記者：禤家民

--------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------
最強球星 頂尖球會 經典決賽
盡在《最巔歐聯》101頁電子書
https://hk.adai.ly/lvH2IGhy1W
--------------------
《體蘋果》陪你睇波講波
https://www.fb.com/appledailysports