Tanya左手揸啤酒，將隻筷子放喺個啤酒蓋附近，之後度好位，隻右手手掌一推，就好似打士碌架咁，「卜」一聲就一推即開，個個賓客都目瞪口呆，拍掌叫好！估唔到佢除做舞台劇叻，做「啤酒女郎」都同樣出色，最後佢仲吹咗支藍妹，「敬」吓對新人。不過，表演絕技係有代價嘅，Tanya攤個右手手板一睇，原來成隻手板瘀晒，佢話呢招係要苦練，屋企嘅小朋友千祈咪亂學。