【努力賺錢】郭羨妮外出工作阿女掛到喊 最怕阿媽唔返屋企瞓
蘋果日報 2019/09/29 17:10
郭羨妮Kylie
郭羨妮（Sonija）今日在荃灣出席兒童時裝騷活動，她早前為遷就7歲愛女Kylie返學，放棄將軍澳舊居轉買九龍市區樓，廿四孝為囡囡搬屋，郭羡妮坦言：「而家開心好多，之前阿女返學每日來回三個鐘，五點幾就要起身準備返學，我成日同阿女講，媽咪用咁多錢都係為咗你，唔係個女我都唔會搬，而家阿女可以瞓到七點幾先返學。」郭羡妮為搬屋花費不非，至於被指有進帳三百幾萬，她不否認：「本來唔使太努力做嘢，而家要變得好努力工作。」
郭羨妮早前在大陸拍攝《尋秦記》電影版，耗盡體力，整個暑假中港兩地穿梭開工及顧及家庭，其間正值女兒考試，竟然要和女兒遙距默書，母女相隔最長個半月沒有相見，郭羡妮說：「阿女掛到喊，現時好擔心我話出去工作，佢會問你又唔返嚟？好驚我唔返嚟瞓。」而今個暑期工作關係沒有帶囡囡旅行，她笑指：「佢上年成績唔係咁好，唔值得獎勵。」往後接工作希望可以兩全其美，兼顧家庭和工作時間。
攝影：林賓尼
郭羨妮（Sonija）今日在荃灣出席兒童時裝騷活動。
郭羡妮早前為遷就7歲愛女Kylie返學，放棄將軍澳舊居轉買九龍市區樓。
廿四孝為囡囡搬屋，郭羡妮坦言：「而家開心好多，之前阿女返學每日來回三個鐘。」
郭羨妮往後接工作希望可以兩全其美，兼顧家庭和工作時間。