本周四有不少周日(12日)戰馬出跳，葉楚航馬房是其一，潘頓操了「榮光大道」與「精益旅程」，尾場「聰敏不凡」只由助手試，表面好似唔夠緊張，其實乃慣常安排，完全不必想太多。
「聰敏不凡」今季拚搏有度，這次只是季內第五場，平均個半月跑一場，來到四月，朝早仍完全不覺有疲態，本周四照例戴馬定基跳，踱到直路走一段，時間唔快，助手極力控制，越想拉越難拉，仍然行到爆，夠勁肯走而不急，精神到不得了！
「聰敏不凡」上次起步快得滯，搵唔到遮擋，不情願地走外疊望空，也只輸個多馬位，以潘頓對其熟悉程度，今次再跑同程，抽到較理想三檔，有心理準備下，留放應會做得更好，睇好牠能取得季內第四win。
反而「精益旅程」今次由一千上千四米，難度不低，睇過本周四的一課，連潘頓也要抽起一邊韁繩，方能勉強控制得住，縱無眼罩仍嫌走來太急，落場可否留得住，對此熱門馬有一定程度擔憂。