【唔識英文但夠勤力】波健士親操羅廐兩駒 力爭在港首場勝仗
蘋果日報 2020/03/13 11:50
自在人生達龍駒波健士
面帶笑容的波健士今晨（13日）親自策騎自在人生在內圈踱步
巴西籍騎師波健士今季再獲香港馬會發牌，出賽期由明日（14日）起至6月14日。
雖然波健士啲英文比起佢上季尾來港客串時進步唔大，繼續唔係太識講英文，但明日仍然獲得八匹座騎，相當受歡迎。
今早（13日）佢有到沙田馬場露面，並且先後策騎羅富全馬房「達龍駒」及「自在人生」到內圈操練，而練馬師踩住單車全程跟出跟入，成為晨操焦點所在。
現評54分嘅「自在人生」已經兩季冇馬贏，評分跌到落歷史新低，今次用到波健士跑第三場四班1000米草地賽，隨時有突破表現。
而「達龍駒」就會出戰第八場一班1600米草地賽，不過排9檔起步唔容易發揮，取決於波健士走位夠唔夠醒目。