百利冰室擴張營業，打到上環，但另一邊廂，就有大利來記要黯然結業。去年年中強勢攻港嘅澳門知名豬扒飽大利來記，於中環擺花街新豐樓同油麻地寶寧大廈兩間鋪頭喺上個月都已經摺埋咗。

大利來記負責人陳嘉儀(Wendy)話生意喺唔錯，但喺賣豬扒飽嘅單價始終唔高得去邊，加上租金又好高，埋單計數都要蝕錢，惟有止蝕離場。不過Wendy就話唔會全身而退，家佢就度緊計轉型，計劃由外賣變堂食，希望可以吸多啲食客幫襯。

以每個豬扒飽零售價29元計算，中環店租金11萬元要最少每日賣127個，目前沙田和和尖東仲有兩間特許加盟店繼續每日賣飽。