亞視前主播盧瑞盛家中猝逝 終年63歲
蘋果日報 2020/09/20 10:08
盧瑞盛亞視南華傳媒
曾在麗的電視新聞部任主播、現任南華傳媒董事總經理的盧瑞盛，今日突然傳出在跑馬地家中猝逝，終年63歲。晚上車淑梅在facebook轉發消息悼念故人，她指今年6月曾一起擔任義工去植樹。
《蘋果》致電車淑梅，她表示朋友告知盧瑞盛離世消息：「聽到話佢今日突然走咗，我早幾個月先至見過佢，真係好突然，佢係一個好好先生，真係好可惜。」車淑梅覺得人生無常，還叫大家都要保重，她說：「Lo sir也是對很多義務工作最大的幕後推手，失去了他，也失去了一大股的力量！太可惜！」盧瑞盛好友曾展章亦表示：「佢今日喺屋企睇睇吓電視期間突然走咗，我哋都唔知乜原因。」
曾與盧瑞盛合作過的資深傳媒人羅燦，對老友離世亦深感可惜：「我聽到兩個版本，一個係話佢噚晚走咗，一個版本係今朝喺屋企睇睇吓電視突然暈低走咗，好似話佢屋企人要等驗屍報告，所以我都唔係太清楚乜嘢原因。我同佢唔算深交，大家喺Roadshow做過一年幾同事，但始終63歲仲係好後生，聽到呢個消息真係好難過。」
盧瑞盛是資深新聞從業員，先後在麗的、亞視新聞部工作，其後過檔蕭若元《Cyber日報》出任新聞總監，再轉至南華傳媒旗下 《快週刊》擔任總編輯等。盧瑞盛亦曾為梁振英參選特首時助選，曾為梁振英主持地區論壇工作，在梁振英當選特首後，盧瑞盛獲委任為中央政策組特邀顧問等職務。
亞視前主播盧瑞盛在家猝死，終年63歲。
車淑梅今晚轉發消息。
車淑梅說今年曾與盧瑞盛（左三）一起擔任義工植樹。
港台署理總監何重恩亦在貼出今年活動相悼念盧瑞盛（右三）。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！