【棟析先機】愛駒「壽臣」排位差！阿棟一於捧「紅」佢（陳華棟）
蘋果日報 2019/12/17 23:10
壽臣陳華棟紅旺棟析先機排位差谷草第六場
紅旺兩戰谷中分獲一季一殿
啱啱禮拜日（15日）賽事，阿棟提供咗匹大冷門「好運多贏」畀大家，但臨場史卓豐身體不適騎唔到，換咗蘇狄雄，一睇個配搭就頭都痕埋，但都有買一Win兩Place捧場。
結果就大家都睇到，人馬初次合作，騎嗰個嘅能力亦有限，最後係咁意衝上嚟都跑入一席第五。
同時間我都相信以「好運多贏」當日嘅走勢，如果史卓豐騎番就實有三甲，今次就時也命也啦！
睇過今次表現，嚟緊實有大騎師搶嚟騎，但記住一定要跑1400米先好捧場。
周三（18日）谷草第六場四班1200米，「紅旺」睇佢陣上表現，心態上仲係細路仔，但場場都有接近走勢，實力就非同小可。
因為同阿棟愛駒「壽臣」同場，所以排位前都有啲忐忑不安，好彩最後「壽臣」排位差而「紅旺」就抽靚檔，咁就唔使怕，一於捧佢啦！