自從去年中社會運動開始以來，馬會取消過兩次夜馬，結果搞咗一大輪谷中夜馬都係編排九場賽事。

須知道依家馬會嘅賽事越嚟越偏向中短途，1800米以上嘅都唔多，結果編八場同九場嘅分別，就係1200米同一哩賽事，響最多馬報名嘅四班賽就成日拆組。

編八場都已經會拆兩組，編九場仲會拆到三組，搞到啲馬匹谷埋響同一賽日上陣。

參賽馬匹實力參差不在話下，最慘仲禍延至之後嘅賽日，因為跑得嘅都跑咗，而馬匹都要休息，最終就係搞到呢類型嘅賽事水準進一步下跌。

當然，近期最極端嘅案例唔係響谷中出現，而是於2月2日，「至尊大師」響沙田四班1200米輕鬆贏馬！

眾所周知，呢匹馬一向都係第四班不足第五班有餘，竟然可以響四班賽贏到冇對手，而嗰日此程就係拆咗兩組，咁就更加睇得出，嗰場水準有幾低！

另外，同樣係第四班唔夠鍊嘅「善傳千里」，在1月下旬響四班谷中1200米輕勝兩個半馬位，而嗰場呢匹馬仲係以大熱門身份贏馬。

有呢啲背景，大家對下半季賽事會有乜嘢期望？阿棟就好老實咁講，絕望！

--------------------
【馬後炮】「安承」唔係希威森騎就食咗大茶飯？一面倒大熱容易比人搞要小心？
陳華棟同Dylan仲提供兩隻跟進馬比大家
--------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-------------------
《果GYM》隨身播 　健身壹App過！
一按即玩