少女時代最近頻頻爆出戀事新聞，今年初允兒、秀英及Tiffany相繼宣佈名花有主，而孝淵嘅前男友身份亦喺日前曝光。對於連環公開戀情，秀英就覺得有啲對粉絲唔住，所以前晚就喺主持節目《深夜的TV演藝》時就代表姐妹向粉絲道歉，仲話公開戀情係一半祝福一半擔心咁話喎。

另外，孝淵嘅前男友金俊亨早前接受訪問時就澄清自己冇被孝淵打，反而係因為驚佢會站唔穩先報警求助，仲強調佢同孝淵喺「打人事故」發生之前已經分手。

另一邊廂，同Tiffany公開戀情嘅2PM成員Nichkhun日前就不避嫌喺twitter大騷恩愛。有粉絲留言叫佢好好照顧Tiffany時，佢就答話：「我有唔好好照顧佢咩？從來都冇」，好鬼肉麻！