處女騷老闆率眾力撐
周麗淇得寵關心妍唔畀面
周麗淇(左)為了是次音樂會,請來舊同學與她大跳中國舞,十分新鮮。
周麗淇前晚於理工大學舉行音樂會,全晚除了獻唱自己兩首歌《要風得風》及《可惜他有女朋友》外,其餘都是演繹同公司歌手的歌,獨欠師姐關心妍;此外,同門歌手預先錄製為Niki打氣的鼓勵片段,關心妍亦沒有亮相,兩人不和之說甚囂塵上。
音樂會上,Niki又唱又跳,還請來舊同學以少數民族服飾出場,大跳苗族山地舞,歌迷反應熱烈。
事後問Niki何解關心妍沒有錄影片段鼓勵她,Niki說:「條片係公司安排,我唔清楚,我都未睇。」不過工作人員卻表示關心妍不在香港,而唱片公司高層林珊珊則說:「我哋搵伊健同草蜢,係因為伊健同佢(指Niki)合作過,草蜢之前開演唱會,Niki有去睇。」她表示關心妍仍在考慮續約問題,未有答覆。
提到伊健被傳移情鍾嘉欣,林珊珊謂:「嗰張相係《隨時候命》嘅劇照,佢哋同車做戲啫。過時過節伊健都冇叫我食飯,應該同GiGi未散。佢哋成日都互送禮物,但好醒唔會買一樣嘅情侶嘢,其實身上好多訂情禮物。」
採訪:何永寧 攝影:仇志德