當年今日
關於我們

  唐公子不變應萬變 - 李八方

蘋果日報 2003/07/28 00:00


商台最後有驚冇險地取得十二年的牌照,八方一早收料,知道廣管局唔會郁商台,不過有其他人搞搞震,既然外界咁多猜測,就最好玩。
係人都知,特區政府嘅民望已經差冇可差,唐英年梗係心明此理,至於行會裏面有冇人玩嘢就心照,唔係梁振英使乜臨尾出嚟猛咁講嘢,公開發聲明話「從未在任何場合、任何時間、向任何人士提出只讓商台續牌三年」,呢個否認都算技巧,冇提「續牌三年」,咁有冇提過其他嘅建議呢?不過唐公子公布發牌當日之發言亦好技巧,佢話「所以任何人等、發表任何聲明、關於任何事件、我哋都無任歡迎」,你話佢回應邊個呢?
至於港台嘅波段係咪會被人搶走,熟悉電台運作嘅老友同八方講,其實唔使太擔心,因為電台遲早都會數碼化,到時要幾多個台都得。
(圖)唐英年:我點會郁商台咁笨呀!
設計對白


傳真︰2623-9278
電郵︰[email protected]