當年今日
關於我們

【財女手筆】樓市鬥父母身家(Melody)

蘋果日報 2017/06/27 19:30

樓市咩路

樓市目前鬥資金流?鬥息口?鬥供應?錯錯錯,星展梁兆基話,依家樓市係鬥父母身家有幾多!
確實,上一輩唔少已經供斷樓,甚至有樓收租,絕對可以安享晚年,慘在仔女剛好步入結婚適齡,唔幫自己仔女買樓,手頭充裕當然無問題,不過唔多夠錢、甚至有錢都唔想出錢,仔女會唔會反面?
身邊不靠父母可以上車買樓?我真係見過,而且係單身女仔,無父母庇蔭、無親戚幫手,靠一人之力,日日勤力開工、freelance,儲錢買到二手居屋,絕對可泣可敬!部份無父蔭嘅,買樓仍然要間多間房,分租一間房幫補供樓,係高樓價下,我見過,真係見過!
相反,唔少年青人坐定粒六,尤其有父蔭、家財,唔憂結婚後無樓。見過內地細路完全無心讀書,家長仲非常鼓勵,因為細路既父母有十幾間樓收租,覺得仔女完全無必要辛苦,仔女當然又諗住未來無憂,無心向上,完全乎合誠哥今日在汕頭大學講,「諗住阿爸係李嘉誠,呢個諗頭已經輸一半!」
咩路
Fb.com/whichroad