【林俊傑香港開騷】吳謹言親到紅館捧場 觀眾見魏瓔珞全場起哄

蘋果日報 2018/09/23 21:01

吳謹言延禧攻略林俊傑
    【新增內容】
    憑《延禧攻略》「魏瓔珞」一角爆紅嘅女主角吳瑾言，今日下畫到港，準備聽日同「爾晴」蘇青及「富察皇后」秦嵐等出席活動。雖然佢喺機場時話今次行程緊迫，冇乜時間遊香港，但身為JJ林俊傑粉絲嘅佢，適逢偶像喺香港開騷，今晚就專誠去咗紅館捧場。
    着住紅色衫、頭戴cap帽嘅吳謹言，一入場已全場起哄，不過佢似乎想保持低調，全程低頭，但仍有應記者要求影相，而大會亦要排佢坐喺台前正中間第三行，等佢以最靚坐睇騷。
    吳謹言於晚上11點19分左右，喺工作人員護送下離開，其實喺佢離開前，佢部座駕同另一架接送車，已經到達紅館「擺陣」，企圖阻擋記者視線。之後吳謹言現身離開，汽車直駛去佢入住嗰間酒店，不過今次唔喺正門入，反而駛咗去卸貨區，期間有保安出嚟阻記者採訪。
    而吳謹言落車時，佢助手幫手遮樣，又撳低吳謹言頂帽，擾攘近一分鐘先落到車，其後吳謹言向傳媒表示「辛苦晒」，而吳謹言入酒店時亦有微笑同講bye bye。
    精選娛聞，喺晒《娛果》
    http://fb.com/appledailyent
    empty
    （攝影：仇志德）
    empty
    今日到港嘅吳謹言，夜晚即刻去咗紅館捧偶像林俊傑場
    empty
    吳謹言似乎好開心。
    empty
    觀眾見到魏瓔珞都好開心。
    empty
    超蓮上次請咗秦楓食飯，今次睇JJ遇到吳謹言，唔知有冇約對方去食牛肉面呢？
    empty
    超蓮先離開，仲係咁俾like。（攝影：徐錦池、吳耀輝、黃曉程）
    empty
    吳謹言離開車，已有兩部七人車擺陣。（攝影：徐錦池、吳耀輝、黃曉程）
    empty
    之後直接去咗酒店卸貨區，落車後同記者打招呼，好有禮貌。（攝影：徐錦池、吳耀輝、黃曉程）