【本報訊】滙豐控股股價繼續受供股消息困擾，昨收報44.2元，再跌4.4%。「股壇狙擊手」劉鑾雄卻對滙控充滿信心，預期滙控最多調整到41至42元，供股價28元亦「好安全」。他更自爆，作為滙控股東已有一段長時間，「一定係100蚊樓下買，總之唔係貴，上次金融風暴前我賺40億，金融風暴後倒輸30億，大部份都係滙豐。」
他表示個人會供股，旗下天發證券更預留15.6億元作為滙控的分包銷商。「唔睇好，我就唔會分包銷，就算冇人供，呢個價（供股價28元）分包銷亦好抵，要兩億（美元）其實少咗，應該要多5億（美元）。」

富豪可獲佣四千萬

除了劉鑾雄，長和系主席李嘉誠、恒基地產主席李兆基及新世界發展主席鄭裕彤亦各斥資23.4億元，作滙控分包銷商。身在北京參與政協會議的信和置業主席黃志祥也表示會供股，亦希望參與分包銷，估計滙控股價一年半載後會好轉。李兆基長子李家傑在同一場合亦指，供股價好抵。
城中富豪希望參與滙控供股分包銷，部份原因可能是分包銷有1.75%佣金，假設李兆基全數分包銷，便可獲4,095萬元佣金，若滙控股價日後回升，又可多賺一筆。最重要是，他們有財力透過衍生工具做對冲，總之輸面有限。
資深投資者兼《信報》專欄作家曹仁超昨透露，他持有約2萬股滙控，只會按比例供股，主要擔心由歐洲引發的第二輪金融海嘯，再對金融企業構成冲擊。他又認為，滙控股價在42元有一定支持，之後會橫行一段日子。