寵物花園：
不滿賽果誓死公投
蘋果日報 2004/10/30 00:00
無鬆踭、無扯衫、無爭排位，三十多隻狗狗競逐「最佳寵物造型」大獎，三甲順利誕生。不過有比賽的地方，就有是非：一個以為可以翻手為雲、覆手為雨的黑手企圖影響賽果，究竟邊個喺度「狗狗震」？我哋又使唔使重新公投改寫結果呢？
記者：邵超
攝影：楊錦文
記者：邵超
攝影：楊錦文
（左至右）
季軍：小黑
冠軍：Kobby、Oscar
亞軍：小白
季軍：Bobby
狗狗震的真兇只有一個──天啊！當日天晴，間中密雲，海有中浪，被迫改變往西貢的航道，轉戰南丫島，海浪拋得人狗暈陀陀，眼花，嘔吐，部份人包括小記面對豐富自助餐而被迫不動容（好想食雞翼！）影響小記觀賞可愛狗狗的花生騷事小，嚴重影響狗隻及主人賽前的心理質素事大，真係俾個天玩殘。幸好經過冰凍海水的洗禮，人狗精神為之一振，狀態回勇，比賽的時間亦到啦！
造型有驚喜
Eukanuba替會員搞了這個別開生面有埋比賽同寵物護理示範的「貓狗海上暢遊」，不過可能由於驚住暈船浪的關係，見狗不見貓。沒關係！初時以為比賽似花生騷多過創意比賽，原來不少狗主人真係有花過心思，真係幾難分名次，就等小記披露一下冠軍、亞軍和雙季軍得獎背後鮮為人知的資料，大家都來評評分！
Eukanuba替會員搞了這個別開生面有埋比賽同寵物護理示範的「貓狗海上暢遊」，不過可能由於驚住暈船浪的關係，見狗不見貓。沒關係！初時以為比賽似花生騷多過創意比賽，原來不少狗主人真係有花過心思，真係幾難分名次，就等小記披露一下冠軍、亞軍和雙季軍得獎背後鮮為人知的資料，大家都來評評分！
年齡：Oscar2歲半、Kobby9個月
品種：喜樂蒂牧羊
得獎原因：同Twins一模一樣咁靚，符合活動主題
置裝費：每套約$200
點解戴帽：「今日去旅行，所以幫牠們戴帽揹背囊。」
年齡：1歲半仔
品種：比熊
得獎原因：天衣無縫
置裝費：$20
點解要做粉紅天使：「天使翼得黑色、白色同粉紅色，唔想咁普通，咪揀粉紅色囉。」
■得獎後心情興奮，Carrie左右各提一狗行下水禮，後面那隻跟尾狗係邊個？
■今日唔係去玩咩？點解咁多人影我相！
工程師
年齡：3歲仔
品種：哥基
得獎原因：型
置裝費：玩具工具$10?包，WinniethePooh帽及Montbell風褸（忘記價錢）
點解扮工程師：「喺灣仔街市買咗包玩具，覺得日本買嗰件風褸都幾似工作服，咪掛晒上身。」
火雲邪神
年齡：10歲
品種：唐狗
得獎原因：夠煞氣
置裝費：不詳
點解扮火雲邪神：「係突然靈感，皇冠係以前買落，今年萬聖節買咗件新袍，襯埋都唔錯。」
■對翼好拮，追女仔好過啦……
■小白其實唔似外表咁純情，逢見小型狗就會追到尾。
■Bobby，叫你比賽，唔係玩飛碟啊！
■工程師：咁多工具孭上身，重死我咩！
火雲邪神：唐狗不嬲無咁矜貴，我一把年紀都終於有出頭的一日，IamtheKingoftheWorld！
火雲邪神：唐狗不嬲無咁矜貴，我一把年紀都終於有出頭的一日，IamtheKingoftheWorld！
救生員Elmo
參選宣言：「靚女，無論你喺幾遠遇溺，我都會搵到你幫你做人工呼吸。」
參選宣言：「靚女，無論你喺幾遠遇溺，我都會搵到你幫你做人工呼吸。」
帶子洪郎圈圈
參選宣言：「主人噚晚先至親手縫好個細路要我孭咋！阿仔，你快啲瞓啦，唔好搞搞震啦……」
參選宣言：「主人噚晚先至親手縫好個細路要我孭咋！阿仔，你快啲瞓啦，唔好搞搞震啦……」
原罪犯Dick
參選宣言：「我發誓我當選後會去監獄做探訪！」
參選宣言：「我發誓我當選後會去監獄做探訪！」
軍人無名氏
參選宣言：「咪恰我呀，我陀住炸彈嚟參賽㗎！」
參選宣言：「咪恰我呀，我陀住炸彈嚟參賽㗎！」
南瓜怪客無名氏
參選宣言：「咪以為我呢頂係怪帽，其實呢個係我心愛嘅浴帽嚟！」
參選宣言：「咪以為我呢頂係怪帽，其實呢個係我心愛嘅浴帽嚟！」
夏老威Jackal
參選宣言：「我係金山阿伯，你哋要選我！」
參選宣言：「我係金山阿伯，你哋要選我！」
福爾摩斯芝士
參選宣言：「所有的謎底已經解開（呢句好似係金田一一的名句喎！）」
參選宣言：「所有的謎底已經解開（呢句好似係金田一一的名句喎！）」
聖誕紅鹿無名氏
參選宣言：「呢個係最新款的Headphone，千祈唔好以為我扮鹿！」
參選宣言：「呢個係最新款的Headphone，千祈唔好以為我扮鹿！」
英倫淑女金金
參選宣言：「Ladies&Gentlemen,nicetomeetyou.」
參選宣言：「Ladies&Gentlemen,nicetomeetyou.」
■喂，細路，你抱住隻真狗定係假狗嚟參賽㗎？
■芝士唔係輸咗比賽唔忿氣，而係求緊主人畀嘢食。
■Elmo和Jackal兩兄弟鍾意爭波仔，好鬼親密。
■無得比賽，一齊去沙灘玩吓水先。