陳冠希（Edison）同秦舒培啱啱先為女兒Alaia搞完百日宴，轉個頭就俾讀者見到兩公婆同女友人喺東京行街，仲好大方咁同讀者合照。

Edison其實一直同東京呢個地方好有緣，先講番佢同秦舒培，除咗呢次被讀者發現，前年兩去同遊東京，仲有一張秦舒培坐喺Edison大髀嘅相流出。

數遠少少，Edison同前女友洪文安（Ann）喺七夕去到東京拍拖，不過當時發現佢嘅fans就冇咁好彩，因為呢次Edison唔係好滿意行蹤被發現，雖然攬住女伴纖腰，但臉免就十級黑。

除咗同女友去東京，Edison亦試過他鄉遇故知，喺好多好多好多年前，Edison同余文樂因為阿嬌發生過一次「撞膊事件」，之後好多好多年後，兩人喺東京街頭相遇，都有互相出手，打……招呼say hi。