呂慧儀收淫媒電話

蘋果日報 2011/09/20 00:00


呂慧儀昨日在尖沙嘴出席手錶活動,談到徐子珊自爆被淫媒問價,身材惹火的呂慧儀也表示試過被問價,她說:「以前試過有人打電話畀我問價,我好想知嗰個人係邊個,我問佢點解會有我電話號碼,但佢死都唔肯講。我話佢知我唔會做呢啲嘢,我幫唔到忙咪收咗佢線,跟住再冇打電話嚟。」
「話個價好好」
呂慧儀和徐子珊同被淫媒問價,會否是同一人?呂慧儀說:「我都唔知佢係乜嘢人,覺得佢有我電話好恐怖,佢仲要講到話個價好好,我咪反問佢點解會有價,我個價淨係得公司先知。」她表示沒興趣知道自己的身價,她直言:「有價冇市都係一樣,橫掂都唔會做,費事人哋以為我好有興趣呀。」
採訪、攝影:楊潔雯