天水圍東華三院李東海小學女教師林麗棠疑不堪工作壓力，去年3月6日在校園內跳樓身亡。死因庭今就此展開研訊。死者胞妹林麗珠供稱，死者在李東海小學任職超過20年，因一次學生父母報警事件而患上抑鬱症。至於死者與時任校長羅婉儀的關係如何，林麗珠形容「由頭到尾都唔係咁好」，並指2014年羅加入學校時，曾向教師表明：「我喺之前間學校學識咗令我唔鍾意嘅老師自動辭職。」此言當時令死者「好緊張」。

本案今日開審，預料審期14天，由死因裁判官周慧珠審理，其間不設陪審團。死者家屬、東華三院及教協均有律師代表出庭，而該校時任校長羅婉儀則沒有法律代表。

死者的胞妹林麗珠今早出庭供稱，林麗棠在李東海小學任職超過20年，因一次學生父母報警事件而患上抑鬱症，需要定期覆診及向學校提交醫生報告。

至於死者與羅婉儀關係如何，胞妹形容「由頭到尾都唔係咁好」。她解釋，羅於2014年加入學校擔任校長時，曾向教師表明：「我喺之前間學校學識咗令我唔鍾意嘅老師自動辭職。」此言當時令林麗棠「好緊張」。

胞妹續指，林麗棠曾籌辦在澳門舉行的聯校活動，遭羅斥責「私自帶學生出境，都唔知博乜」，並且要求她自動辭職，不然就直接辭退她。胞妹憶述死者「當時好驚，搭緊車都喊得好犀利」。

死者墮樓前一星期，因喉嚨發炎而請病假，其間撰寫關於事件的報告。胞妹解釋，「校長要佢顯示佢對事件嘅承擔，同埋睇吓內容砌唔砌到炒佢」。

死者曾多次重新修改報告內容，惟羅仍不接納。胞妹續指，死者在去年2月28日回校處理公務，其間被羅強行「捉入」校長室，討論報告內容3小時。

死者墮樓前一天，獨自前住東華三院總部報告事件，獲一名周姓主任接見。當時主任表明會跟進，著她先行離開。胞妹憶述死者回家後的表現：「佢好攰，唔願意講嘢，淨係話『都係咁㗎啦』，話唔會有好大期望，之後就返咗入房。」

翌日早上死者趕頭班車先行出門，胞妹與她沒有見面。死者其後在家庭WhatsApp群組內表示：「我唔想再見到校長個醜陋嘅臉孔。」胞妹見狀，不斷嘗試致電死者，之後又致電學校其他老師，但仍然未能聯絡到死者。胞妹今庭上哽咽憶述：「之後校務處有人打電話過嚟……話『你家姐由高處墮下』，就係咁。」

羅今向林麗珠提問時指出：「我永遠見林老師，都有第三者在席。」林麗珠聞言激動謂：「自從佢情緒唔係咁好，你都會拒絕單獨見佢。」羅解䆁是程序規定。羅提問時又否認曾將死者困在校長室3小時，謂：「佢聲沙，其實問唔到嘢，所以接見時間係好短。」又謂：「我係驚誤解越積越深。」聆訊繼續。

【案件編號：CCDI206/19】

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！