反送中覺醒眾生各自爬山，藝術家、攝影師可憑最擅長的想像力、美學，撼動社區。向着區議會選舉直奔的藝術家王天仁、專業攝影師蔡旭威，沒有選擇蛇齋餅糭的玩法，而是用自己的一把「美學尺」來營造社區的凝聚力、想像力。與街坊談精神面貌鐵定吃虧？二人認為，不要常常庸俗地想着贏，試着想自己敗選可帶來的改變，一樣可以是參選的理由。

記者 姚國雄

41歲、英華書院畢業的藝術教育工作者王天仁，積極考慮在自己居住的選區荔景參選。他是在反送中運動後才考慮參選的問題。十多年前搬入荔景的他指，該區區議員周奕希，已由民主派變成建制，廿年來也是自動當選。也許人各有志，王天仁也有：「我呢啲年紀又唔會係好勇武，亦都唔甘於唔理世事，加上我係一個爸爸，會考慮自己個女嘅將來，佢會面對一個點樣嘅香港，會喺一個點樣嘅社區成長。」

「我係一諗就諗自己住嗰區。」 王天仁說，如果參選，必在自己的家出發。今年6月起香港躁動不安，就是要每位港人思考，究竟自己可以有何作為：「我哋有咩本錢先？我唯一嘅本錢就係我係呢一區（荔景）嘅居民，我對於呢個區嘅認識同關切，會比一個空降嘅人，理所當然係高一點。」

藝術教育工作者與區議員，如何沾得上邊？「藝術家畀到社區嘅嘢，就係可能性。」地區上慶中秋，除了猜燈謎、派月餅，還可玩得出甚麼花樣？中大藝術系畢業的王天仁在剛過去的中秋，自製一隻近六呎高的紙製玉兔在區內巡遊，街坊、小朋友反應極好：「我就係想畀小朋友推住架車仔，跟着隻大玉兔燈籠喺荔景周圍行。」

顛覆傳統便是可能性，同時營造凝聚力，去迎接社區問題：「社區凝聚力係好虛無嘅嘢，作為建制派難以說『爭取社區凝聚力』，佢只會話紅綠燈多咗三秒，過去我哋呢區生活，就係冇呢樣嘢……社會搵緊出路，藝術家嘅思維正正就係提供更多可能出嚟，而唔係困住嗰一啲約定俗成嘅制度。」

這些前進的思維，能否觸動這個高達34%選民也是66歲以上的社區？王天仁說，如果永遠從結果論出發來想選舉，很容易扭曲選舉手法：「一個人參選係咪只係為勝算？我嘅想法唔係諗輸贏，而係諗接棒，唔係砌低佢，我覺得對方（周奕希）都面臨退休，過去一段日子我喺區內派單張，居民同我講，『好囉，終於有得揀。』」

北區「沙打」選區，則有一位專業攝影師由上屆助選，到新一屆或以居民身份上區選戰場。「沙打」是指沙頭角、打鼓嶺，在港人的心理地圖中，坐標遙遠而荒涼。鄉事派、建制派上屆區選在此選區佔逾7成支持，由民建聯溫和輝當選。去年的11.25新界東立法會補選，工聯會鄧家彪和新同盟范國威分別得到51%和33%得票率，足見這區建制勢力強橫，曾任政府新聞處、傳媒機構攝影師的蔡旭威偏向虎山行。

手握非原居民支持票的蔡旭威指自己會盡力而為，輸贏是其次：「我唔係諗住贏先至做呢件事，我係覺得可以為個社會、社區去做一件事……整個過程可以提出一啲倡議，或者諗法，就算攞唔到個議席，都可以令到對家睇住我哋嘅倡議做落去。」

經常在沙打區駕車、以鏡頭記錄發展的蔡旭威打過政府工，如今卻看見政府指鹿為馬，離地萬丈，更憤恨是政府目睹7.21元朗白衣人毆打平民卻不執法，站出來的衝動更強烈：「我已經唔係記者，我不在前線記錄，我又冇身份或體能，你話罷工罷課，我係自由身，冇咩好罷；如果咁啱有咁嘅機緣（區選），我又有咁嘅社區關係，咪嘗試去做，去可以為社會做一啲嘢。」

因為關注新界東北發展計劃、2014年遷入沙頭角的蔡旭威同年舉辦了「中秋舞火龍」活動，他指，當時因為新界東北發展爭議，令原居民和非原居民對立起來，他所屬的打鼓嶺坪輋保衛家園聯盟便搞舞火龍活動，治療社區傷痕，讓家家戶戶盡慶，一搞便5年。

他着眼的不是修橋補路，而是這區的潛力。「沙打」區鄰近香港與內地的邊界，他認為具有發展歷史文化旅遊的潛質，例如當年英國租借新界時，便在打鼓嶺興建首間差館，由摩囉差駐守，故遺址被稱為「摩囉樓」，如今卻被荒廢在叢林間：「我去歐洲，會睇柏林圍牆，人哋喺更亭統統可以用嚟講歷史講故事。我希望透過今次選舉令文化界、歷史學者去關注呢個地方（摩囉樓），令政府要去畀一個評級。我認為可以用呢區嚟做一個邊境禁區博物館。」

-----------------------------

9.28五周年集會

日期：9月28日（星期六）
時間：晚上7時至9時
地點：添馬公園
註︰不反對通知書申請中

主辦︰民間人權陣線
-----------------------------

10.1國殤遊行

日期：10月1日（星期二）
時間：下午2時
地點：維園集合起步往遮打道
註︰不反對通知書申請中

主辦︰民間人權陣線
-----------------------------
【撐學生】
召集有心人 撐學生全年睇《蘋果》
立即按此
-----------------------------
百日特刊記載香港人逆權之路
《逆權百日》
《自由之夏》
-----------------------------
《囚牢之疆》 專頁
揭開集中營邪惡面紗
今日新疆 明日香港