【賢歸正傳】薛恩手長腳長 騎高頭大馬特別爽手(廖浩賢)
薛恩勁飛寶寶廖浩賢高頭大馬賢歸正傳手長腳長
一直都特別留意來自澳洲的新公司騎師薛恩,睇晨課跳工夫,腳尖踩蹬,檔穩紮實,韁繩長又柔,能夠成為悉尼冠軍騎師,果然係一等一高手。
或者現階段他仍要跑一些下風馬,但換來的是理想賠率,鬥志鮮明,無需要考慮不明朗因素,捧呢類騎師往往有意外驚喜。
今次周日(8日)沙田賽事,他有九匹座騎,只比潘頓、雷神、田泰安略為遜色,受練馬師歡迎程度不問可知。
薛恩有個最大優處,手長腳長,騎高頭大馬特別啱發揮。第三場五班1400米「勁飛寶寶」上季初跑得唔好,好大理由評分處尷尬位,上季尾轉投容廐,最後一仗跑不合腳法急彎谷草1200米,順勢減一分,造就今季可以落五班部署一出即拼。
雖然「勁飛寶寶」身處從化操練,但一直有留意試閘快跳動態,8月尾試草閘楊明綸出試,全程二、三叠望空,走勢暢順,直路可能有少少內閃傾向,控制得住,重點係勁力貫注到尾,姿態極之理想。
今日(5日)攤開排位表,容天鵬專登棄用愛將楊明綸而換薛恩上陣,完全明白呢匹有內閃傾向的高頭大馬,需要一位手長腳長騎師去協助,所以薛恩絕對係最佳人選。
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此