沙田周日（8日）第六場四班草地1400米，「芙蓉莊」上季由丁冠豪馬房接手，曾出現短暫好轉，但好快又故態復萌，滿身怪脾氣，慢閘、搶口、拒跑缺點樣樣都有，若唔轉馬房，無新環境，新訓練方式，根本唔會再心存幻想！

由姚本輝馬房接手後，朝早睇「芙蓉莊」感覺好唔同，不論慢試、快跳、試閘，變得有朝氣。

有可能睇錯，或者係朝早一個款，落場另一個款，唔排除都有可能。不過，若真係變好，以今季比上季低26分起步，對住一大批四班唔識贏對手，有埋2檔幫，若然臨場唔發癲，一定會博佢！

第九場三班泥地1200 米，「公証福將」上季尾復蘇，這類7月跑開、好開馬，唞暑後只要唔怠慢，能夠承接勢頭機率好大。

鄭俊偉難得養好這匹弱馬，唞暑後好快便再向其施壓，早前試泥閘好快閘、末段望空更自動加速追過同試對手，此際狀態相較上季7月，有過之而無不及。

8檔對靠追、略為被動的「公証福將」影響不大，除非出現不利追偏差，否則以今場有「好好利高」、「夢幻人生」及「步履娛飛」，預計出現慢步速機會不大，有信心可跨季打叠好。

-------------------------------
想唔想知自己財運、事業、愛情會點？參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此