「閃閃宇宙啲女仔真係唔要面
真係唔係好掂
小心啲女仔淨係淨係為咗你啲錢
淨係為咗啲錢
開頭開心食雲吞麵
快變X口X面
開心變做party型鑽石鏈
佢話佢好閃
畀張信用卡畀佢簽
閃閃連個影都唔見
好快佢會同你講再見
你冇晒錢冇晒面反而佢仲閃閃咁閃閃」——《閃閃》

「閃」呢個字，真係好敏感……喺陳冠希身上，閃…可以理解為閃光燈，或者……閃……閃……閃……卡……但陳冠希唔係崩口人，當然更加唔會避忌，喺新碟《三角度(二)》，直頭有首歌叫做《閃閃》，講嘅係三個層次嘅閃︰鎅女要送鑽石嗰種閃，狗仔隊影佢嗰種閃；第三個閃:「一剎那光輝並不代表永恆」，陳冠希唱盡做人道理。

出身不錯嘅陳冠希，又靚仔，鎅女冇難度，出手重少少isOK，但係陳生話，你呢班女，淨係淨係為咗佢啲錢，追求物質，開頭未深入交流就同你食雲吞麵，之後繼續係咁就變成「X口X面」。好喇，畀張信用卡畀佢簽，點知之後個影都唔見……「好快佢會同你講再見你冇晒錢冇晒面反而佢仲閃閃咁閃閃」。慘豬。

第二個閃，係狗仔隊，「閃閃狗仔你想點我今日心情唔係好靚請你可唔可以畀個面閃閃相機閃閃狗仔嘅相機閃閃似同我有場暗戰
換個角色用部iPhone反閃做咩而家你要遮住你塊面早尊重我就唔會有呢個問題出現」咁其實，陳生唔係對住狗仔隊先至學港女咁「X口X面」，而係去到一個點，係出席宣傳活動，塊面都係咁燶…

咁有咩計？陳生繼續唱:「不如我哋打個和當我哋冇見過當乜嘢都冇發生過再見瞬間轉移我閃…」咁如果陳生已經去到冇人care的地步，相信佢呢個煩惱應該可以消除了吧。

第三個閃……「閃一閃就閃畀一畀個面最經典事件時刻會上演閃一閃就閃生命太短淺理想要冒險快閃搶個錢…」世人皆短視，but，陳冠希話:「一直問點解個遊戲咁易失平衡好多潛在規則一直不成文好多人一直投訴人又唔懂得自問出事就賴外人」嘩，呢啲係「扮」公室政治喎……

「風水輪流轉畀你行一次運上一次位再畀一次冬菇你燉畀最好嘅你食食完去洗胃畀最好嘅你飲飲完去洗腎生命會完結無得加時變陣用完就用完亦冇乜嘢送贈時間一到就閃冇乜嘢遺憾終點幾時會近越問咪越笨」

好有道理！