胡杏兒4年抱3爆老公恨追女 生埋今胎決定封肚
蘋果日報 2020/12/31 18:34
胡杏兒李乘德4年抱3
胡杏兒今日肚凸凸出席活動賺奶粉錢。
胡杏兒與老公李乘德（Philip）結婚後，育有3歲大仔李奕霆及1歲細仔李奕霖，杏兒在聖誕節當日宣佈陀第三胎，預計明年中出世。
公佈陀B後，今日杏兒在柴灣拍攝染髮廣告，她戴上透明口罩、穿上啡色長裙、平底鞋。拍照時，她將手放在肚前做出心形手勢，而受訪時則換上外科口罩，安全措施做到足。杏兒透露現時懷孕差不多6個月，希望到時以順產分娩，因為她害怕開刀，她表示今次懷孕是計劃之內，提到她4年抱3，杏兒笑言：「夠喇，雖然佢（老公）好想要女，大家競猜下呢個仔定女。」如果今胎都是仔，會否封肚？杏兒說：「我諗要封，3個喇，我覺得生唔辛苦，但教、養要好多精力、心血同時間。」問到兩個囝囝知道快將有弟弟或妹妹？杏兒笑指：「知道，大哥都話自己有BB，因為佢有個肚腩。」
對於胡定欣指一班好姊妹都是在杏兒向外公佈早一日知道，杏兒解釋：「因為之前我喺內地做嘢，唔想佢哋擔心，其實當時奶奶都唔知道，不過奶奶同老公都係一樣咁開通。」由於有3個小朋友要養，工作方面會否來者不拒？杏兒說：「貴有貴養，平有平養，我哋都係平養，同埋我農曆新年前會停工，其實我之前都推咗5套內地劇。」
杏兒透露現時懷孕差不多6個月，生埋今胎打算封肚。
雖然陀B到大陸工作，不過杏兒自言十分小心，亦感謝奶奶和老公的體諒。
杏兒透露今胎希望是順產分娩。
杏兒爆老公恨追女。（IG圖片）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！