2R前晚到跑馬地出席時裝品牌Undercover的派對,同場還有麥浚龍、孫耀威、尹子維和性感上陣的木村乃。低胸亮相的Rosanne透露上月初到英國,與一班朋友慶祝生日,令她過了一個難忘的晚上,其妹Race更爆料說:「家姐仲收到一個好特別禮物,有個男仔自彈自唱咗一首歌,然後錄成碟送畀佢,真係好sweet呀!」問Rosanne是否與該男子拍拖?她說:「嗰晚收到好多禮物,仲有男士獻吻,收到呢張碟係好感動,但同對方仲要時間了解吓。」Race插嘴說:「好似有人同家姐濕吻。」Rosanne連忙說:「係深吻咋。」