大摩追嚟追去都落後蔡約翰六場頭馬，在接近煞科階段，每場形勢都比前更緊湊，加上舊馬已拼疲，要在大熱天時交出水準，質新馬秤高多少。

周日（23日）第九場三班1600米：「志在四方」上仗望空後彈甩「蟲草之星」及「美麗日子」贏馬，對手全無招架能力，四歲北半球馬，連同外地加埋只跑過十場，外地贏1691米，上仗在港初跑1600米又贏。

「志在四方」長線能否向1800至2000米發展，當然要視乎進度而定，勝後隔四日已在內圈露面，兩課單跳後，連續四課拍跳，距離上仗五個星期，有足夠時間回氣，最重要體重上升12磅，只要跑啱留放走位，好有信心可以連捷。

「包裝才子」上仗末段如狼似虎，一度力壓「健快聯盟」，雖然最後數步被反先，但賽績的確夠硬淨。

再揀冷腳「全才」及「關鍵時機」都長期見勇。

-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX