【本報訊】政改方案很大機會遭否決，民建聯主席李慧琼擔心，香港起碼再蹉跎5至10年，自由黨主席鍾國斌甚至認為，政改或要待2027年才會重啟。公民黨郭榮鏗指，即使否決，中央與泛民也能透過今次會面，討論日後如何溝通。
李慧琼稱，看不到政改否決後，泛民如何能爭取到更民主方案：「我見到最直接損失係（香港）起碼要再蹉跎5年、10年，點解唔利用呢段時間去說服中央政府，透過實踐（普選）再改善？」鍾國斌則指否決政改後，才想辦法增加中央與泛民互信，只是良好意願，現實是政改將會長時間不會再獲討論：「政改否決，梁振英冧莊機會好高，5、6、7年都唔會攞上嚟（立法會），今次唔要（政改）之後，係咪10年先會重現？我認為係好大機會。」

林鄭：應有溝通渠道

民主黨單仲偕則舉例指2005年政改一役，中央沒有與泛民直接溝通，今次政改泛民與中央已直接商討3次：「已經進步咗啦。」郭榮鏗說，今日見面的意義，在於在政改遭否決前，中央、泛民講清楚本身立場，「希望講吓否決之後，大家互動係點樣，點樣繼續做呢件事（政改），我認為要睇長遠啲，唔能夠只係睇6月中嘅投票。」
政務司長林鄭月娥稱，無論今次方案是否能夠通過，「一直都應該有中央官員和立法會議員溝通嘅渠道」，又指聽到泛民議員對於今日是否有突破「冇好大期望」，但也歡迎溝通機會。
■記者姚國雄