「新城勁爆頒獎禮2018」今晚假灣仔會展舉行，生完囡囡復出樂壇嘅謝安琪（Kay）一身黑look，在開場大半個鐘後才坐出台前。

阿Kay第一次上台係代老闆麥浚龍攞勁爆監製獎，不過佢代老闆講謝詞時講錯嘢：「佢哋代我……唔係，佢哋叫我代佢哋多謝大家，雖然佢哋有工作在身嚟唔到，但好多謝你哋。」

今年「勁爆合唱歌」分別有兩首歌得獎，當中包括謝安琪（Kay）同古天樂合唱嘅 《(一個男人) 一個女人和浴室》，以及由沈震軒、享樂團同莫凱謙合作嘅《不枉》。

今晚由Kay做代表攞獎，佢喺台上話：「要多謝古仔，因為佢真係好耐無音樂作品，而佢嘅演繹係深深咁打動咗我嘅，好開心得到大家嘅支持！」

精選娛聞，喺晒《娛果》
http://fb.com/appledailyent