特首梁振英身為10間大專院校校監，據報今年一反傳統，全部畢業禮都唔出席，包括噚日舉行嘅中大學士及碩士畢業禮。中大校長沈祖堯就唔肯講對校監唔嚟有冇失望，只笑謂「如果校監有嚟，我剛才就唔使做嗰啲」。
祖堯BB一如以往勁受同學仔歡迎，行到邊都俾人捕獲合照（圖）。佢致辭時勉勵畢業生，話年輕人係希望所在，就算有人批評大學生不懂禮節、不思進取，佢都唔認為中大畢業生係咁樣，盼畢業生堅守宗旨，唔好隨波逐流。
同場頒發校長模範教學獎畀九位教師，包括佔領期間高調支持學生嘅人類學系教授麥高登（Gordon Mathews），但佢有事未能親身領獎，由日本裔太太到場代領。