香港大學校務委員會以「等埋首席副校長」為由，暫緩處理法律學院前院長陳文敏的副校長任命建議。有校友於facebook專頁成立「堅守港大百年基業」，並上載多位知名校友的片段，促請校委會作清晰交代，其中1983年港大畢業生陳志雲認為，現時校委會無透露會內討論情況，質疑是否存在政治因素，認為校委會應該作出澄清。

陳志雲對陳文敏的副校長任命暫緩感到痛心，認為免除外界對校委會的批評，試應公開會內就事件的討論內容：「喺缺乏資訊嘅大前提下，你好難令到我哋唔去猜測係咪有政治嘅因素存在喺度嘅話，如果真係有政治嘅因素嘅話，都希望你哋講出嚟，等大家可以嚟一個討論。」

而1991年畢業生陳惜姿就認為，陳文敏在捐款風波被左派猛烈批評：「點解一個喺大學教書嘅教授，點解會畀左派報章攻擊？本身又唔係有咩大失誤，純粹係捐款事件處理得唔係好清楚，大學有自己機制去處理，點解要喺傳媒公審佢？」她質疑副校長任命被一而再、再而三暫緩，認為港大過往從未發生，認為除了政治干預，想不到其他理由令副校長任命成為大新聞。

他認為今次真件是影響學術自由、言論自由同院校自主，又認為教授的言論和政治立論及取向，不應影響任命，否則是有違言論自由及思想自由，亦等同教職員不能夠表達他們的政治取向：「先至乖乖俾人任命做高層。」

港大新副校長事件陳志雲
http://bit.ly/1TYCC0Z

港大新副校長事件陳惜姿
http://bit.ly/1ftCC9X