呢邊廂CAPCOM猛咁出《街霸》合輯,嗰邊廂SNK又玩埋一份,繼宣布推出《拳皇:大蛇篇》合輯後,輪到旗下另一經典系列《龍虎之拳》。猶記得當年《街霸》玩晒成個格鬥界,挑戰者SNK先以《龍虎之拳》試市場反應,點知出奇地好,後尾先引伸出人多取勝嘅《拳皇》系列。
合輯版《龍虎之拳:天地人》對應PS2,包含1、2集及外傳,可算玩齊成個系列,除咗完全呈現街機版之神髓外,仲設有MMBB連線對戰,以及首度出現嘅角色編輯功能,玩家大可將坂崎獠、Mr.Big改頭換面,頭髮同衣服換晒自己喜愛嘅顏色,再Online同人隻抽,都咪話唔盞鬼!
記者:徐影龍