昨晨到屯門巿廣場二期欲遞交登記表格的鍾先生怒斥：「銀行做呢啲嘢係收錢㗎，唔係nopay㗎！」亦有巿民不滿銀行服務：「連電話都冇人聽，我哋又唔知佢哋（昨日）開唔開門。」
記者昨早9時許以巿民身份撥打「$6000計劃」官方熱線18600，查問銀行昨日為何沒有開門、知否有巿民在銀行門口排隊等，接線人員稱：「我哋知有人排隊。」記者追問他們會否派人到銀行通知排隊巿民，對方回應：「會幫你將情況反映。」記者昨傍晚6時許再致電熱線查問，結果等了18分鐘才有人接聽，對方解釋8月28日是特別安排，為方便長者。
記者昨午致電21間銀行查詢，結果中銀（香港）、集友、南洋商業、永隆、花旗及滙豐有真人接聽解答，其餘15間銀行的電話全部是錄音，要求客戶辦公時間再致電。根據立法會財委會文件，政府預留了8,270萬元給銀行作手續費，即銀行處理每宗申請可收約15元手續費。
《蘋果》記者