早前李嘉誠基金會響應中大校友慈善基金募捐行動，捐出200萬協助患上罕見癌病－神經母腫瘤的兒童，包括急須接受治療的17個月大男嬰張可仁。

繼李嘉誠基金會解囊後，劉鑾雄慈善基金再撥捐690萬港元，中大校友慈善基金今日發文答謝，稱捐款能解張可仁及其餘6位患上相類罕見癌病兒童的家庭。

大劉曾患腎病命懸一線，康復後對人生睇法有好大改變，現時重視家庭及幫助他人，近年積極做慈善，而他一手創辦的「劉鑾雄慈善基金」就交由老婆甘比管理。

對於今次捐690萬予校友慈善基金，甘比回覆《蘋果》說：「中大經過連日嚟募捐，轉眼已籌得超過1,700萬捐款，證明人間有情。當我哋知道仲有6位患相類罕見病癌症嘅兒童需要協助，其中一位更是下個月就需要用到一大筆醫療費用，非常急切，所以基金會決定一筆過撥款上限690萬港元，全數直接協助張可仁小朋友同其他有同類病情嘅兒童，希望能協助他們應付醫療開支同經濟上嘅困難，同時亦希望佢哋知道喺抗病嘅路途上，佢哋並不孤單。」甘比又明白癌症治療過程漫長，所謂『病在兒身，痛在娘心』，甘比祝願可仁家人積極面對困境，並希望所有病童能早日康復！

另外，古天樂亦捐出20萬予中大校友慈善基金，古仔回覆《蘋果》時非常低調，只簡單說：「做呢啲事都係出心，冇乜好回應。」

精選娛聞，喺晒《娛果》
http://fb.com/appledailyent