【六合彩取消】市民紛紛撲空即興買六合彩唔成「真係唔好彩」

蘋果日報 2018/03/27 13:40

馬會六合彩場外投注站

102間馬會場外投注站，因為電腦故障暫停使用。市民到來都紛紛「碰壁」空手而回。

住屯門的梁先生指今日專程來買六合彩：「我好少買六合彩，最先去市中心果間，職員話壞咗，再行嚟建榮街呢間，過到嚟又壞埋。未試過即興買六合彩，今次即興買就咁攪法。」他直言好失望：「由良景行過嚟，行餐死！一年買唔到3次，諗住買張六合彩過吓癮，點知攪成咁！真係唔好彩!」他相信馬會整個電腦系統出現問題。

吳生到油麻地上海街的投注站買六合彩。「買唔到呀！有啲失望囉，唯有夜啲再嚟買。系統既嘢梗會壞既！」另外，許女士到來存款入投注戶口也不成功。

在沙田沙角街投注站等候的莫先生，等了一小時，始終未恢復正常，悻然離去。他本來到沙田中心投注站，但故障才撲過來沙角街，這才知道全線故障。

另一位朱先生，也在沙角街投注站等了一小時，他埋怨說：「馬會都係大機構，無理由無back up，一壞應該開第二部機啦！好彩今日唔係賽馬日，否則豈不是要暫停所有賽事？」

許女士到來存款入投注戶口也不成功。(詹家志攝)

吳生對未能買六合彩感到失望。(詹家志攝)

北角渣華道馬會投注站。(胡恩宏攝)

屯門的梁生直言買不到六合彩好失望。(張家豪攝)

朱生生指好彩今日不是賽馬日，否則影響極大。(簡明恩攝)

莫生先來回兩間沙田區的投注站也撲空。(簡明恩攝)

故障期間一直沒離開投注站的陳先生，等候個半小時，電腦終於回復正常可以投注。(簡明恩攝)

曾中六合彩三獎的許伯伯歎說，要是攪珠前電腦還未恢復，今期只好放棄投注。(胡恩宏攝)

【六合彩取消】市民紛紛撲空 即興買六合彩唔成「真係唔好彩」