唔少人話,由iPhone「轉會」玩Android,原因就是要追求寬闊靚屏幕,讓眼睛享受多一點!繼人氣爆燈的Samsung Galaxy Note II後,Sharp SH930W再升呢玩1,920×1080p全高清顯示,尺寸輕微縮水至5吋,但採用點對點技術,加上自家AQUOS芒,鬥細緻及順滑程度,這位老前輩的確稍勝一籌!
不過,話咁快又被Butterfly趕上,此機同樣是5吋1,670萬色,解像度也達到1,980×1,080p,分別是「蝴蝶機」採用SLCD屏幕,Sharp就採用CG-Silion。齋睇數據可能唔覺有分別,但現場比較同一張相,你會發現Butterfly表現暗位能力的確有一手,至於處理光暗位問題,Sharp SH930W則比較拿手,更具立體感;此外播高清片時,Butterfly也稍為自然,特別一提,此機內置S4四核處理器,所以動態畫面會比配置雙核心的Sharp流暢好多。