由美國人氣女星莎蓮活德麗（ShaileneWoodley）夥拍型男迪奧占士（TheoJames）嘅電影《分歧者》（Divergent）系列本來分三部上映，不過第三部曲分成兩段，第一part即係第三集《赤誠者：末世醒覺》（TheDivergentSeries：Allegiant）今年三月已經上映，不過票房不如首兩集，北美票房僅收6,618萬美元（約5.16億港元），全球票房收1.79億美元（約13.9億港元）。

據《Variety》報道，電影公司唔係太滿意《赤誠者：末世醒覺》嘅成績，所以打算將原定明年上映嘅最後一集《TheDivergentSeries：Ascendant》改以電視電影播出，亦計劃喺呢集加新角色，去為新電視劇鋪路。不過未知原班演員會唔會參演新電視劇。