【06時05分消息】《信報》前主筆練乙錚曾讚揚運動「不受控而自控，無首而多首」。佔領運動逾三星期，政總附近公廁每日應付成千上萬人流但仍乾淨整潔，全靠一班自發清潔的市民。

從事貿易行業的Sammo請無薪假參加運動，他自發清理男廁，記者甫入男廁，他就叫記者尋找幾塊紙皮，即使記者表露身份，他仍要求記者協助，「你係咪香港人，你有冇份用廁所？」

Sammo指佔領現場有種互助氛圍，是一種無組織的組織。他笑言：「喺到10幾日，1蚊都冇駛過，1日食足7餐，搵人食野難過搵人唔食野。」他指自發互助體現獅子山下精神，他認為參加者「齋坐」只是顯示到人數眾多，應該更進一步，「反正嚟到，點解唔落嚟幫手？」他指互助固然美好，但在運動戰略、固守防線仍需有統籌。

另一位清潔男廁義工是年逾40歲，在5星級酒店任職調酒師的男士，他指自己是90年代來港新移民，都想為香港出一分力，「香港對我好，所以我對香港好，我喺香港過得安樂。」

【現場直播】雨傘革命： http://umbrella.appledaily.com
Youtube: http://bit.ly/umbrellalive