韓國娛樂圈唔係好多人認出櫃，不過現年46歲嘅男星洪錫天就早於17年前承認出櫃，佢亦曾表示因為性取向而遭受好多不公平對待。不過洪錫天未有因為咁而隱瞞自己嘅性取向，一向敢言嘅佢，噚日向傳媒透露考慮明年獨立參加地方選舉，競選首爾龍山區廳長，想幫助同性戀者有更好嘅生活。消息一公開即引來網民關注，有人批評藝人唔適合參選，更多嘅係留言攻擊洪錫天嘅性取向。

今日凌晨洪錫天就於Instagram留言，強調：「同性戀者都可以有夢想。」洪錫天表示每個人都有夢想，呢個國家係一個可以畀人擁有好多夢想嘅地方，而同性戀者都可以有夢想。有網民於Ig力撐佢，留言叫佢加油，當中亦有海外粉絲用中文留言力撐。