當年今日
關於我們

世紀21重鎚黃大仙

蘋果日報 2006/05/27 08:00


近年舊區重建對代理行嘅生意都有好大幫助,好似世紀21富山新蒲崗分行噚日開幕,亦係富山第11間分行,董事總經理柯興捷話,黃大仙呢區遲啲會有幾個大型樓盤落成,環境亦都會有好多改變,所以睇好呢區前景,估計未來會再開多一、兩間分行。
另外,除咗開分行外,佢哋會繼續加強員工培訓,例如再安排每次可供20個學員修讀嘅培訓班,同增加人手等。
至於世紀21香港都會逐步擴充,行政總裁吳啓民話,今年以嚟集團已經開咗38間分行,估計全年增加大約80間,人手會增加兩成。短期內開張嘅有西半山同鴨脷洲海怡半島分行。