韓劇《鬼怪》37歲男主角孔劉憑劇集人氣急升，成為唔少女性嘅最新理想對象，不過唔知粉絲見到大學時期嘅孔劉，又點睇呢？

日前有網民翻摷孔劉舊照，仲係大學生時，孔劉曾擔任有線台節目主持半年，當時佢表示挑戰呢個主持工作有兩個原因，第一係為咗克服錄影恐懼症，第二係為咗賺錢，仲表示：「大學時期冇咩錢，所以尋找感興趣又能賺錢嘅工作時，了解到呢個職業。」

睇返當時孔劉個樣，單眼皮令對眼顯得好細同冇神，唔似依家，有一對魅力電眼。而網民就留言「哈哈當時真醜啊，果然年齡跟閱歷先係男人嘅魅力」、「大學生時顯老，但依家就係童顏大叔」、「越大越童顏」、「雖然唔夠依家帥，不過表情依舊可愛」等。