陳志雲、葉童、王喜、石詠莉及梁釗峰等將於8月底假北角新光戲院公演舞台劇《慾望街車》，佢哋今日以劇中造型現身尖沙嘴舉行記招，陳志雲喺劇中被葉童欺騙感情，當司儀問到陳志雲喺現實生活中，對女人最大誤解係咩？佢話：「我唔知任劍輝係女人，後來先知俞琤係女人，但係葉童一直係我心目中嘅女神。」另外，石詠莉喺劇中太愛丈夫王喜，但經常被家暴，而劇情講述王喜需要不時騷肌，佢笑指多年前早已準備好隨時騷肌。

與陳志雲第三度舞台劇合作，葉童指兩人已有默契，今次特別之處係跟足原著對白演出，陳志雲透露劇中有兩次要秤起葉童，拍海報時已經秤起過一次，問到葉童重嗎？陳志雲說：「好好秤。」葉童在旁笑說：「我好輕，羽毛咁輕。」

精選娛聞，喺晒《娛果》
http://fb.com/appledailyent