世盃冠軍法國禮拜五喺歐國外以4:1大破摩爾多瓦，呢個結果相信唔令人意外，不過中場保羅普巴喺24分鐘，禁區外一腳恰到好處嘅高波踢入禁區，助攻畀前鋒基沙文入波嘅一腳靚助攻，就畀網民大讚呢個就係普巴嘅價值。

有球迷話：「我第一次發帖讚普巴，但佢今晚幫法國展示出魔法。」、「這是普巴方式的傳球。」、「基沙文走位係靚但普巴嘅傳球是火熱的。」、「普巴嘅助攻是多麼的美妙！」、「這是由普巴交出的世界級傳送。」

事實上，六年前嘅正正係普巴第一次代表法國上陣對格魯吉亞，至今已為法國踢左65場波，仲幫法國拎埋世界盃冠軍，喺國家隊表現咁好，法國球迷實錫晒你喇！

而早前普巴雖然公開話想踢皇家馬德里或者巴塞隆拿，不過前曼聯球員貝碧托夫就覺得，普巴只係講吓笑，佢一定會有排留效曼聯，即管睇下今個夏天貝碧有冇估錯囉！

--------------------
《蘋果動新聞》4月訂閱新世代
壹會員尊享獨家內容
立即免費登記： http://bit.ly/2TzFz0K
--------------------
星期一至五晚上10點半
《動腦Q》Let's Q the money！
http://bit.ly/2QW8LcI
--------------------
【BFB皇者領隊團體大合戰】現正接受報名！快啲組隊參加，挑戰盃賽，贏走豐富獎品同專屬獎勵！
http://bit.ly/2XRRSF9
--------------------
《體蘋果》陪你睇波講波
https://www.fb.com/appledailysports