去年10月與商人男友Alex結婚的許芷熒（Whitney，原名許亦妮），婚後不久隨即宣佈陀B，臨盆在即的Whitney，連日來在社交平台陀B的時光，今日她又更新留言：「《托着馮寶寶奇妙的旅程》已經進入了懷孕晚期的最後幾個月階段了，開始有些少緊張……這是BB 2個月的超聲波相片和我懷孕3個月時的照片，BB 8個月的超聲波相片和我懷孕9個月的照片比較。」

Whitney續說：「回想起馮寶寶還是一個小小胎兒時，好像整個過程似發了一場夢似的……當時的小胎兒，現在已經迫爆我的肚皮了，由25吋腰到現在35吋腰，由懷孕前的116磅，現在直逼140磅，而馮寶寶在我肚內亦生長得好快，她的面現在也是圓圓脹脹的。最記得在懷孕初期的產檢，在婦科診所裏看到其他周數比較大的懷孕媽咪，我心裏想：『嘩，個肚會撐到咁大架？行路咪好唔方便？點去廁所呢？個人咪會好重？』直到現在終於輪到自己了。」

她還說：「還有最有趣的就是我同老公經常在頭幾個月產檢期內，不停追問醫生BB係男仔定女仔？我又會去啲媽咪forum、媽咪Group，睇吓其他媽咪討論點樣睇個超聲波圖去斷定BB係男仔定女仔，每次去做產檢都期待照超聲波，看看BB到底有甚麼變化，到底似爸爸定似媽媽多啲，但個答案係一直都似爸爸多啲，仲有就係驗T2嘅時候，好緊張攞報告，好想知道究竟BB健康與否，係男仔定係女……還有就是第一次感覺到馮寶寶的胎動，是世界上最奇妙嘅感覺！」

最後她提到第一次胎動的感覺：「其實初初感覺胎動，好似覺得自己內臟喺度郁咁，仲有好多好多好多講唔完嘅第一次，同奇妙嘅感覺。我相信好多媽咪都有同感，亦都會好懷念，這一切一切嘅感覺。」