人夫張繼聰雖然家庭事業一齊忙都飛起，不過佢依然勤力更新佢嘅網上社交平台，等fans知道佢嘅近況，唔會因為拍劇而變成失蹤人口，到時又要重新儲過啲人氣！

今日張繼聰又更新fb，睇見佢一臉風騷咁揸住架車喺度唱歌，佢喺短片寫住：「突然放假，忽然輕挑！」跟住佢再留言解釋話：「本來今朝0530通告一路踩到深夜，突然通告取消有半日假，可以同老婆去食晏....嗰種狂喜，只有係環保大道嗰頭工作嘅朋友先會明白。#原諒我嘅奔放！」又係喎，話晒o依家拍劇嘅時間日夜癲倒，就算想見前世情人Karina，又或者想約下老婆謝安琪拍吓拖，都要攝時間先可以見面，真係慘慘豬！

張繼聰呢個狂喜，似乎感染到連唔喺環保大道嗰頭工作嘅朋友都明白，好多網民留言話感受到佢呢份狂喜，叫佢好盡情享受半天假！火手